Hoxe pechamos un capítulo da vosa historia...

Hoxe no cole sería día de festa, de bailar e despedirnos dun xeito alegre, así que tarefa hoxe non imos ter. SI vos queremos deixar algunhas ideas de placeres que facer este verán:

E ahora, antes de cerrar este capítulo das vosas vidas, as vosas profes queremos dicirvos unhas palabras...

Imaxinaba unha despedida cantando, bailando, sorríndo...todos xunt@s na clase. Unha aperta xigante desexándonos un bo verán, pero este final de curso é inolvidable! É moi difícil despedirme a través dunha pantalla de ordendor. Estou totalmente segura que recordaremos este curso durante moitos anos... 
Quero darvos as GRACIAS, gracias por estos dous cursos tan especiais, cheo de momentos inesquecibles. Dous cursos nos que aprendimos moito, vós e tamén eu!! Levo conmigo para sempre moitos recordos especiais, e desexo que vós tamén! Para o próximo curso teredes compañeir@s nov@s e profe nov@...eso quere dicir que ides ter a oportunidade de facer novos amig@s e de vivir moitas aventuras.
Os adultos sempre queren volver á infancia, polo que aproveitade o tempo no verán e aproveitade o tempo á volta ao cole. Este curso comprobamos, os días que non puidemos saír da casiña, o felices que somos no cole. 
Despois do verán comeza unha nova aventura...unha nova oportunidade para seguir buscando a parte positiva e facer que cada día sexa especial!
Andrea, Noe e eu somos moi afortunadas por atoparnos con nen@s tan marabillos@s!
Disfrutade moito e o máis importante: A SER MOI FELICES!
Un bico e unha aperta moi moi grande!!
A vosa profe Vero. 💓💓💓

Parece que foi onte cando, por primeira vez, vos acompañei á clase de primeiro e xa pasaron dous cursos dese momento... Comezábades un novo camiño e eu tiven a sorte de poder acompañarvos nel. Teño tantas imaxes vosas gardadas na miña mente... Recordos que me acompañarán sempre. Agora tomades unha nova senda na que agardo vos atopedes experiencias bonitas e das que aprendades moito (como agardo que o fixerades nestes dous anos). Gustaríame que vos quedase unha boa lembranza deste tempo xuntos. Eu levareivos sempre comigo porque, como xa vos teño dito, os adultos tamén aprendemos dos máis pequechos. Sodes o noso presente pero tamén o noso futuro.
Sinto que a nosa despedida fose apresurada, non era o que tiña en mente que fose. As circunstancias excepcionais que vivimos fixeron que acontecera así. Pero como de todo se aprende, e aínda que sen abrazos, tivemos que pensar noutro adeus que agardo tamén sexa especial. 
Sodes unhas nenas e nenos marabillosos, aos que as tres profes vos desexamos que os vosos soños continúen facéndose realidade. Seguide traballando por e para iso, esforzándovos como ata o de agora. Gracias a todos e todas por este tempo e ás vosas familias pola súa colaboración e apoio.
Biquiños e apertas,
A vosa profe, Andrea.

"Conservar algo que me axude a recordarte, sería admitir que te podo olvidar" pois "o recordo é o diario que todos cargamos con nós".      

(William Shakespeare, Oscar Wilde)  

      

Hoxe tócanos poñer fin a esta forma de traballo, tócanos tamén pechar unha etapa moi bonita que comezamos coa vosa chegada a primeiro de primaria e que agora remata uns lonxe dos outros.

Sabedes que me gustaría despedirme doutro xeito, na clase, xogando, cunha peli e unha boa merenda… ocórrenseme tantas maneiras bonitas de despedirme… pero tocounos esta, a través dunha pantalla.

Gracias, gracias e mil veces gracias por todo o vivido. Gracias tamén e sobre todo noraboa por estes meses de traballo, fostes e sodes uns campións e unhas campionas por todo o que fixestes dende as casas e polo ánimo que mantivestes cando non podiamos saír.

No camiño que vos vén por diante deséxovos toda a sorte do mundo, aprendede moito, facede novos amigos e amigas, vivide miles de aventuras e sobre todo intentade que cada día sexa especial e que a vida nunca deixe de sorprendervos.

Vero, Andrea e eu ímonos, e ímonos ben felices porque sabemos que vos fixemos crecer bonito durante estes dous anos e sobre todo porque nós tamén nos imos máis grandes, gracias a vós. Fixéstesnos rir, aprender cada día, disfrutar do noso traballo,… Fixéstesnos mellores persoas e mellores profes.

No meu corazón sabedes que sempre teredes un lugar gardado, agardo vervos dentro de moitos anos e que me recordedes con cariño.

Un bico inmenso para cada un de vós e a aperta máis grande do mundo. Quérovos moito,

A vosa profe Noe

Queremos deixar un pequeno vídeo para as vosas familias.😉😉😉