Estimadas familias de 2º EP do CEIP Bergantiños (fai clic aquí)

Ante esta situación repentina decidimos crear este blogue de 2º de Primaria no que iremos subindo diferentes materiais (vídeos, xogos, fichas, lecturas…) totalmente voluntarios para que quen desexe poida ir realizando cos nenos e nenas no fogar.

•  Os vídeos que tratarán temas de ciencias, podedes visualizalos a través do enlace que se vos proporcionará e logo comentalos.
• En canto aos xogos, a maioría son xogos online que poden realizar a través da tableta, ordenador, móbil…
• As fichas e lecturas que se irán subindo das distintas materias podedes realizalas como máis sinxelo vos resulte: imprimindo o documento, realizando os exercicios nun caderno ou realizando os exercicios de xeito oral.

A maiores recomendamos que os nenos/as lean a diario lecturas interesantes para eles. Tamén colgaremos enlaces de páxinas onde veñen recollidas actividades plásticas.

Se tivérades calquera dúbida nalgunhas das tarefas que propoñemos podedes consultada deixando un comentario na entrada do blogue e en canto poidamos resolverémola o mellor posible.

Isto non é máis que recomendacións de traballo e unha maneira de intentar axudarvos nestes días nos que a conciliación é difícil.

Manterémosvos informados a través deste blogue, da App AbalarMóbil e a propia páxina web do centro.

Un saúdo.

As titoras de 2º.